Mótamál
Grótta og Víðir leika til úrslita í 3. deild karla
Tindastóll og BÍ/Bolungarvík leika heima og heiman um eitt sæti í 2. deild að ári
Það er ljóst að Grótta og Víðir leika til úrslita um deildarmeistaratitilinn í 3. deild karla og fer leikurinn fram laugardaginn 8. september kl. 12:00 á Njarðvíkurvelli. Grótta lagði Hvöt í undanúrslitunum og Víðismenn lögðu Hamar. Hamar og Hvöt hafa tryggt sér sæti 2. deild að ári ásamt Gróttu og Víði.
Þar sem að 5. sætið gefur einnig sæti í 2. deild að ári þarf að leika um það sæti. Það verða Tindastóll og BÍ/Bolungarvík er mætast í tveimur leikjum og mun sigurvegari þeirrar viðureignar leika í 2. deild karla að ári. Fyrir leikur félaganna verður leikinn næstkomandi sunnudag og síðari leikurinn, þriðjudaginn 11. september.
