Selfoss og KS/Leiftur fylgja Haukum í 1. deild

Lokaumferð 2. deildar var leikin í dag en mikil spenna var á toppi og botni fyrir þessa síðustu umferð.  Það verða Haukar, Selfoss og KS/Leiftur sem leika í 1. deild að ári en Sindri féll í 3. deild.

Haukar höfðu fyrir umferðina tryggt sér sigur í deildinni og fengu bikarinn afhentan á heimavelli sínum.  KS/Leiftur og Selfoss þurftu sigur í sínum leikjum til þess að tryggja sig upp og tókst það hjá báðum liðum.  ÍR átti möguleika á einu af þremur sætunum en sátu eftir að þessu sinni.

Botnbaráttan var ekki síður hörð og var á milli þriggja félaga.  ÍH bjargaði sér frá falli með því að leggja Aftureldingu af velli.  Það kom hinsvegar í hlut Sindra að falla í 3. deild en þeir voru einungis einu stigi á eftir Magna sem varð í næstneðsta sæti.

Lokastaða 2. deildar