Fylkir með bestu stuðningsmenn umferða 7-12

Stuðningsmenn Fylkis hafa verið valdir af Landsbankanum sem þeir bestu í umferðum 7-12 í Landsbankadeild karla. Landsbankinn veitir viðurkenningar til besta stuðningsmannahópsins fyrir umferðir 1-6, 7-12 og 13-18 og loks fyrir mótið í heild. Í valinu er m.a. horft til prúðmannlegrar og jákvæðrar framkomu, að stuðningsmenn séu í litum félags, hvatningarhróp og söngvar, o.fl. Landsbankinn mun veita peningaverðlaun til sigurvegaranna, sem renna til yngriflokkastarfs félaganna.