Þátttökutilkynning í Deildarbikarkeppni KSÍ 2008
Félög hafa til 26. nóvember til þess að tilkynna um þátttöku
Hér að neðan má finna þátttökutilkynningu fyrir Deildarbikarkeppni KSÍ í knattspyrnu fyrir árið 2008. Tilkynna ber þátttöku í síðasta lagi mánudaginn 26. nóvember. Félög eru beðin um að kynna sér eftirfarandi áður en þátttaka er tilkynnt.
Kostnaður
Ekki verða innheimt þátttökugjöld í Deildarbikarkeppni KSÍ 2008.
Fjöldi liða
Öll félög sem sendu meistaraflokk til keppni á Íslandsmótinu 2007 hafa heimild til að senda lið til keppni í deildarbikarinn 2008.
Keppnisfyrirkomulag
Í mfl. karla verður keppninni skipt í þrjár deildir. Í A-deild verður keppt í fjórum sex liða riðlum og úrslitakeppni átta liða á eftir riðlakeppni. Í B-deild verður keppt í þremur sex liða riðlum með úrslitakeppni fjögurra liða á eftir riðlakeppni. Keppnisfyrirkomulag í C-deild verður ákveðið þegar þátttaka liggur fyrir.
Í kvennaflokki verður keppninni skipt í þrjár deildir. Sex lið leika í A og B-deild. Keppnisfyrirkomulag í C-deild verður ákveðið þegar þátttaka liggur fyrir. Fjögur efstu lið í A-deild kvenna leika til úrslita.
Rétt er að vekja athygli á því að keppni í A-deild karla hefst um 20. febrúar en keppni í öðrum deildum um 10. mars.
Leikstaðir
Leikir í deildarbikarnum fara að mestu fram í knattspyrnuhúsunum á Akranesi, Akureyri, Fjarðabyggð, Kópavogi, Reykjanesbæ og í Reykjavík. Einnig verður leikið á öðrum völlum eftir þörfum. Reynt verður að hafa keppni í B- og C-deild svæðaskipta.
Utanferðir félaga og aðrir viðburðir
Mikilvægt er að tilkynna mótanefnd um þá daga sem félagið getur ekki leikið vegna æfingaferða eða annarra viðburða. Tekið verður fullt tillit til utanferða félaga við niðurröðun mótsins ef upplýsingar berast í tæka tíð.
