Mótamál
Reykjavíkurmótið hefst á fimmtudaginn
Þróttur og Fylkir hefja leik kl. 19:00 í B-riðli meistaraflokks karla
Reykjavíkurmót KRR í knattspyrnu hefst fimmtudaginn 17. janúar og verður fyrsti leikur mótsins viðureign Þróttar og Fylkis í B-riðli meistaraflokks karla. Strax á eftir leika Fram og Víkingur í sama riðli.
Leikið er í tveimur riðlum í meistaraflokki karla og mætast sigurvegarar riðlanna í úrslitaleik fimmtudaginn 28. febrúar.
Meistaraflokkur kvenna hefur leik sunnudaginn 20. janúar þegar að KR og ÍR eigast við kl. 17:00 og strax á eftir leika Fylkir og Þróttur. Í kvennaflokki er leikið í einum riðli, einföld umferð og verður efsta liðið krýnt Reykjavíkurmeistari.
Allir leikir mótsins, í karla- og kvennaflokki, fara fram í Egilshöllinni. Fylkismenn eru handhafar Reykjavíkurmeistaratitilsins í karlaflokki en KR í kvennaflokki.
