Mótamál
Undanúrslit í VISA bikar kvenna
Leikið á föstudag og laugardag
Framundan eru tveir spennandi leikir í undanúrslitum VISA bikar kvenna. Föstudaginn 22. ágúst eigast við Stjarnan og Valur í Garðabænum en á laugardaginn taka KR á móti Breiðablik.
Leikurinn í Garðabænum hefst kl. 18:00 á föstudagí og verður spennandi að sjá hvort að heimastúlkur nái að velgja efsta liði Landsbankadeildarinnar undir uggum. Á laugardaginn verður flautað til leiks kl. 16:00 í Vesturbænum en KR og Breiðablik áttust einmitt við í undanúrslitum VISA bikarsins í fyrra og fóru KR þá með sigur af hólmi og hömpuðu að lokum bikarnum.
Knattspyrnuáhugamenn eru hvattir til þess að fjölmenna á þessa spennandi leiki og hvetja sitt lið áfram í úrslitaleikinn.
