Mótamál
Valur og KR leika til úrslita í VISA bikar kvenna
Úrslitaleikurinn fer fram á Laugardalsvelli laugardaginn 20. september
Það verða Valur og KR er mætast í úrslitaleik VISA bikars kvenna en undanúrslitin fóru fram nú um helgina. Þar lögðu Valsstúlkur Stjörnuna að velli og KR sigruðu Breiðablik.
Þessi tvö félög eru einmitt í tveimur efstu sætunum í Landsbankadeild kvenna og má því búast við miklum hörkuleik þessara tveggja liða eins og ætíð þegar að þessi félög stíga út á sama knattspyrnuvöll.
Leikurinn fer fram á Laugardalsvelli, laugardaginn 20. september og hefst kl. 16:00.
