Mótamál
Jafntefli hjá Aston Villa og FH
Aston Villa kemst áfram í þriðju umferð UEFA bikarsins
Aston Villa og FH gerðu í gær jafntefli í seinni leik liðanna í 2. umferð UEFA bikarsins. Lokatölur urðu 1-1 og var það Atli Viðar Björnsson sem jafnaði metin á 30. mínútu. Aston Villa vann fyrri leikinn, 4-1 og kemst því áfram í þriðju umferð.
Frammistaða FH í þessum leik var virkilega góð og gáfu þeir leikmönnum Villa ekkert eftir fyrir framan 25.000 manns á Villa Park. Heimaliðið sótti meira en Hafnfirðingar vörðust skynsamlegast og sköpuðu sér nokkur marktækifæri þegar að færi gafst. FH fékk svo ágætis tækifæri til að tryggja sér sigurinn rétt undir leikslok en jafntefli var staðreynd þegar að hollenski dómarinn flautaði til leiksloka.
Aston Villa er því komið í þriðju umferð UEFA bikarsins en dregið verður í dag í þeirri keppni.
