Mótamál
ÍR sigruðu í 2. deild karla
Hafa ekki tapað leik enn sem komið er
ÍR tryggðu sér í dag sigurinn í 2. deild karla eftir jafntefli við Tindastól. Á sama tíma tapaði Afturelding leik sínum gegn Hvöt en Hvatarmenn hafa verið á mikilli siglingu að undanförnu. Þetta þýddi að Mosfellingar geta ekki náð ÍR að stigum og efsta sætið er Breiðhyltinga.
Reykjavíkurmeistarar ÍR tryggðu sér 1. deildarsætið í síðustu umferð og efsta sætið varð tryggt í dag. Gengi þeirra hefur verið gríðarlega gott á tímabilinu. Þegar fjórir leikir lifa eftir af mótinu hafa þeir unnið sextán og gert einungis tvö jafntefli sem þýðir að þeir eru enn taplausir. Verður spennandi að sjá hvort það haldist út tímabilið.
