Fjölnir í úrslitaleikinn eftir frábæran undanúrslitaleik
Ræðst í kvöld hverjir verða mótherjar þeirra í úrslitum VISA bikars karla
Fjölnismenn tryggðu sér í dag sæti í úrslitum VISA bikars karla þegar þeir lögðu Fylkir í frábærum undanúrslitaleik á Laugardalsvelli. Dramatíkin var í hámarki og kom sigurmark Fjölnismanna í uppbótartíma en lokatölur urðu 4-3, Fjölnismönnum í vil.
Það var gott verður og frábærar aðstæður í Laugardalnum og rúmlega 1700 áhorfendur fengu fimm mörk í fyrri hálfleiknum. Fjölnismenn komust yfir eftir 17. mínútna leik en Fylkismenn jöfnuðu metin á 30. mínútu. Síðustu níu mínútur hálfleiksins buðu upp á þrjú mörk. Fylkismenn komstu yfir á 37. mínútu en Fjölnismenn jöfnuðu þremur mínútum síðar. Þeir áttu svo lokaorðið á 43. mínútu og leiddu þegar að Valgeir Valgeirsson flautaði til hálfleiks.
Fjörið var mikið í síðari hálfleiknum þó svo að mörkin væru ekki eins mörg. Fylkismenn jöfnuðu metin á 68. mínútu og allt benti til þess að gríðpa þurfti til framlengingar þegar að Tómas Leifsson skoraði sigurmark Fjölnis í uppbótartíma. Lokatölur því 4-3 Fjölnismönnum í vil og sætið í úrslitaleiknum þeirra.
Það kemur svo í ljóst annað kvöld hverjir verða mótherjar þeirra í úrslitaleiknum en þá eigast við Breiðablik og KR á Laugardalsvelli og hefst leikurinn kl. 20:00. Miðasala á Laugardalsvellinum hefst kl. 19:00.
