Mótamál
Hamrarnir/Vinir og BÍ/Bolungarvík í 2. deild
Tryggðu sér sæti í 2. deild að ári í gærkvöldi
Það verða Hamrarnir/Vinir og BÍ/Bolungarvík sem munu leika í 2. deild karla að ári en þetta varð ljóst í gærkvöldi eftir seinni viðureignirnar í undanúrslitum 3. deildar karla.
Hamrarnir/Vinir lögðu þá Skallagrím í Borgarnesi 3 - 1 og samanlagt, 5-3. Í Vesturbænum lögðu svo BÍ/Bolungarvík KV að velli 4-0 og samanlagt 8-2.
Hamrarnir/Vinir og BÍ/Bolungarvík leika svo til úrslita um sigurlaunin í 3. deild karla og KV og Skallagrímur leika um þriðja sætið. Leikirnir fara fram næstkomandi sunnudag en leikvellir hafa ekki verið ákveðnir.
