Klara eftirlitsmaður UEFA í Þýsklandi
Verður eftirlitsmaður leiks Duisburg og Frankfurt í 8 liða úrslitum Evrópukeppni kvenna
Klara Bjartmarz, skrifstofustjóri KSÍ, verður eftirlitsmaður UEFA á leik Duisburg og Frankfurt í 8 liða úrslitum Evrópukeppni kvenna. Þetta er seinni leikurinn á milli þessara sterku þýsku félaga en fyrri leikinn vann Duisburg á útivelli, 1-3.
Leikurinn fer fram á morgun, fimmtudaginn 13. nóvember, en í dag mætast einnig í 8 liða úrslitum keppninnar sænsku meistararnir Umeå og Englandsmeistarar Arsenal og rússneska liðið Zvezda - 2005 og danska liðið Bröndby. Rússarnir standa vel að vígi eftir að hafa lagt Bröndby á útivelli, 2-4. Hart verður barist í leik Umeå og Arsenal en enska liðið vann fyrri leikinn á sínum heimavelli, 3-2. Síðasti leikur fjórðungsúrslitanna fer svo fram á þriðjudaginn en þá eigast við Lyon frá Frakklandi og Bardolino frá Ítalíu. Frakkarnir standa ákaflega vel að vígi fyrir seinni leikinn þar sem unnu fyrri leikinn með fimm mörkum gegn engu.
