Mótamál
Faxaflóamót í fullum gangi
Faxaflóamót yngri flokka er nú í fullum gangi. Mikill fjöldi leikja er í mótunum, enda eru 20 félög sem taka þátt og leikið í öllum yngri flokkum karla og kvenna. Mjög mikilvægt er því að félög sendi inn úrslit úr sínum leikjum á skrifstofu KSÍ sem fyrst eftir að þeim lýkur (halldor@ksi.is eða fax 568 9793). Félögin eru beðin um að fara yfir leiki sína og athuga hvort ekki séu komin inn úrslit úr öllum leikjum þeirra í mótinu og senda þau inn ef einhver vantar. Héraðsmótin eru mjög mikilvægur þáttur í undirbúningi félaga fyrir sumarið og því nauðsynlegt að allir taki höndum saman og geri þessum mótum hátt undir höfði.
