Mótamál
Halldór B. Jónsson sæmdur heiðurskrossi KSÍ
Heiðurskrossinn afhentur í 60 ára afmæli Halldórs
Halldór B. Jónsson, fyrrverandi varaformaður KSÍ, var á laugardaginn sæmdur heiðurskrossi KSÍ en það er æðsta heiðursmerki KSÍ. Halldór var sæmdur heiðurskrossinum á 60 ára afmæli sínu.
Halldór B. Jónsson hefur starfað ötullega innan knattspyrnuhreyfingunnar, fyrst sem formaður knattspyrnudeildar Fram og síðar innan KSÍ. Þar gengdi hann fjölmörgum trúnaðarstörfum, var varaformaður KSÍ, fomaður mótanefndar og formaður dómaranefndar til margra ára svo eitthvað sé nefnt.
Mynd: Formaður KSÍ, Geir Þorsteinsson og varaformaður KSÍ Lúðvík Georgsson, leiða salinn í afmælissöngnum. Ellen Geirsdóttir sér um að allir haldi lagi.
Mynd: Halldór B. Jónsson ásamt tveimur af heiðurskrosshöfum KSÍ, þeim Gunnari Sigurðssyni og Hannesi Þ. Sigurðssyni
