Mótamál
Niðurröðun leikja að mestu lokið
Mótanefnd KSÍ hefur unnið hörðum höndum undanfarnar vikur við að raða niður leikjum sumarsins og er þeirri vinnu nú að mestu lokið. Einungis á eftir að ákveða riðlaskiptingu í Polla- og hnátumóti KSÍ. Margar viðamiklar breytingar hafa verið gerðar á leikjum yngri flokka síðustu daga. Félög eru því vinsamlegast beðin um að skoða leikjaskrána (hér á ksi.is) eins og hún lítur út núna og koma óskum um breytingar á framfæri í síðasta lagi 16. apríl, ef einhverjar eru. Stefnt er að þvi að mótaskrá sumarsins fari í prentun strax eftir páska.
