Mótamál
215 félagaskipti afgreidd á síðasta degi
Örlítið færri en á sama tíma í fyrra
Eins og gefur að skilja var mikið um að vera á skrifstofu KSÍ í gær en þá var síðasti dagur félagaskipta. Félagaskipti þurftu að berast skrifstofunni fyrir miðnætti og þennan síðasta dag fyrir lokun gluggans, afgreiddi skrifstofa KSÍ 215 félagaskipti.
Er þetta örlítið færri félagaskipti heldur en á sama tíma á síðasta ári, þá voru afgreidd 239 síðasta daginn fyrir lokun félagaskiptagluggans.
Glugginn opnar að nýju 15. júlí og stendur þá til 31. júlí. Ósamningsbundnir leikmenn yngri flokka geta þó skipt ennþá um félög en nánari upplýsingar má sjá hér.
