Kópavogsslagur í 8 liða úrslitum VISA bikars karla
Efstu lið Pepsi-deildarinnar mætast í undanúrslitum hjá konunum
Í dag var dregið í undanúrslitum VISA bikars karla og undanúrslitum VISA bikars kvenna og fór drátturinn fram í höfuðstöðvum KSÍ. Það er óhætt að segja að það séu stórleikir á hverju strái, jafnt hjá körlum sem konum.
Hjá konunum drógust efstu lið Pepsi-deildar kvenna saman, Valur og Stjarnan. Þau eru jöfn að stigum með 26 stig en Valur er ofar á markahlutfalli.
Viðtal við Þorkel Mána Pétursson, þjálfars Stjörnunnar
Hin viðureignin er á milli Breiðabliks og Fylkis en aðeins munar tveimur stigum á þessum liðum í deildarkeppninni.
Í VISA bikar karla eru ekki síður athygliverðir leikir á dagskránni. Á Kópavogsvelli verður grannaslagur þegar Kópavogsliðin, Breiðablik og HK mætast.
Viðtal við Rúnar Pál Sigmundsson, þjálfara HK
Þá verður gamalgróinn Reykjavíkurslagur á dagskránni þegar að Valsmenn taka á móti KR á Vodafonevellinum. Liðin sem háðu harða baráttu um Íslandsmeistaratitilinn á síðasta ári, Keflavík og FH mætast á Sparisjóðsvellinum í Keflavík og að lokum verður Laugardalsvöllur vettvangurinn þegar að Fram tekur á móti Fylki.
