Mótamál
Vallarmál Reykjavíkurfélaga
Framkvæmdir standa nú yfir við lagningu gervigrasvalla hjá Reykjavíkurfélögunum Fram, Fylki og KR. Vegna þessara framkvæmda hefur skapast erfitt ástand í vallarmálum félaganna, en KRR hefur gripið til ýmissa aðgerða til að dreifa álaginu í vor og byrjuðu mótin talsvert fyrr en venjulega í elstu flokkunum. Auk þess var leikjum raðað þéttar um helgar og frídaga þannig að virku dagarnir nýttust sem best fyrir æfingar.
KRR vonast til að félögin sýni áframhaldandi þolinmæði vegna ástandsins sem er tímabundið og verður mun betra með tilkomu vallanna á næstu árum.
