Mótamál
Lokadagur félagaskipta er í dag, föstudaginn 31. júlí
Allar tilkynningar um félagaskipti verða að hafa borist skrifstofu KSÍ fyrir miðnætti.
Samkvæmt reglugerð KSÍ um félagaskipti, samninga og stöðu leikmanna og félaga, eru félagaskipti innanlands ekki heimil frá og með 1. ágúst til og með 20. febrúar. Á því tímabili geta leikmenn sem skráðir eru hjá erlendu knattspyrnusambandi heldur ekki skipt í íslenskt félagslið.
Lokadagur félagaskipta er því í dag, föstudaginn 31. júlí, og verða allar tilkynningar um félagaskipti (fullfrágengnar) að hafa borist skrifstofu KSÍ fyrir miðnætti.
Þá er rétt að benda á að komi leikmaður frá erlendu knattspyrnusambandi þarf alþjóðlegt flutningsskírteini fyrir leikmanninn að hafa borist til Knattspyrnusambands Íslands í síðasta lagi 31. júlí.
