Stöð 2 Sport heldur áfram með Bestu leikina
Breiðablik - ÍA frá 2001 verður á dagskrá í kvöld
Eins og áður hefur komið fram hefur Stöð 2 Sport hafið sýningar á þáttaröðinni "Bestu leikirnir" en þar eru um að ræða úrval af leikjum sem Stöð 2 Sport hefur sýnt í gegnum árin frá Íslandsmótinu í knattspyrnu. Í þættinum í kvöld verður sýnt frá leik Breiðabliks og ÍA frá árinu 2001. Þátturinn hefst kl. 22:00.
Breiðablik - ÍA
Skagamenn urðu Íslandsmeistarar 5 ár í röð á síðasta áratug aldarinnar og unnu 17. titilinn árið 1996. Eyjamenn og KR-ingar stöðuðu sigurgöngu þeirra en árið 2001 voru þeir gulklæddu með í baráttunni á nýjan leik. Þegar þeir mættu Breiðbliki á Kópavogsvelli í 14. umferðinni höfðu Skagamenn unnið fjóra leiki í röð.
Breiðablik byrjaði Íslandsmótið með látum og vann tvo fyrstu leikina. En Blikar töpuðu næstu 9 leikjum en mörðu sigur á Fylki í Árbænum í 13. umferðinni. Þegar kom að leiknum við Skagamenn voru Blikar á botninum með 10 stig og þeir þóttu ekki líklegir til afreka gegn liði Ólafs Þórðarsonar.
