Mótamál
Keppni í meistaraflokki í innanhúsboltanum hefst um helgina
Leikin tvoföld umferð í fjórum riðlum hjá körlunum
Föstudaginn 13. nóvember verður flautað til leiks í fyrsta leik í Íslandsmótinu í innanhúsknattspyrnu og eru það Hvöt og ÍBV sem hefja leikinn. Leikið er sem fyrr eftir alþjóðareglum FIFA um innanhúsknattspyrnu, Futsal, en sífellt fjölgar iðkendum í Futsal um alla Evrópu.
Hvöt hefur titil að verja en þeir tóku einmitt þátt í Evrópukeppni félagsliða í Futsal fyrr á þessu ári. Fleiri leikir verða svo um helgina en leikjaniðurröðun má sjá hér á síðunni.
Keppni í kvennaflokki er með öðru sniði að þessu sinni en hún hefst um aðra helgi. Þar verður fyrst leikið með útsláttarfyrirkomulagi áður en fjögurra liða úrslitakeppni fer fram í janúar.
