Mótamál
Atvinnumennirnir Okkar komnir á DVD
Hægt að eignast þessa vinsælu þáttaröð á DVD
Þættirnir vinsælu Atvinnumennirnir Okkar koma út á DVD í dag. Í þáttunum er skyggnst inn í líf fremstu knattspyrnu- og handknattleiksmanna þjóðarinnar á einstakan hátt, en þar er Hermanni Hreiðarssyni m.a. fylgt eftir í leik gegn AC Milan og Eiði Smára í stærsta leik ársins á Spáni, Barcelona - Real Madrid.
Þeir sem standa að baki þessum þáttum eru knattspyrnuáhugamönnum vel kunnir. Þetta eru landsliðsmarkvörðurinn Hannes Þór Halldórsson og knattspyrnudómarinn Gunnar Jarl Jónsson en þeir leituðu víða fanga til þess að gera þessa þáttaröð eins vel heppnaða og raun bar vitni.
Með þessari útgáfu á DVD diskum er einnig mikið aukaefni sem ekki hafa komið fyrir augu almennings áður.
Atriði úr þáttunum má finna hér.
