Fylkir - Þróttur frá 2003 í Bestu leikirnir á Stöð 2 Sport
Þáttaröðin á dagskrá á fimmtudagskvöldum kl. 22:00
Þáttaröðin "Bestu leikirnir" heldur áfram á Stöð 2 Sport en þættirnir eru á dagskrá á fimmtudagskvöldum kl. 22:00. Þar er sýnt úr eftirminnilegum leikjum úr Íslandsmótinu í knattspyrnu frá undanförnum árum. Að þessu sinni verður sýnt úr leik Fylkis og Þróttar frá árinu 2003.
Fylkir - Þróttur
Árið 2003 byrjaði Þróttur vel í Landsbankadeildinni og vann 4 leiki í fyrri umferðinni m.a. FH-inga 4-1 í Kaplakrika.þar sem Björgólfur Takefusa skoraði þrennu. Seinni umferðin byrjaði ekki vel og Þróttarar töpuðu 4 fyrstu leikjunum þegar kom að viðureign við Fylki í Árbænum í 14. umferðinni um miðjan ágúst. Fylkir var með frábært lið og var í bullandi baráttu um Íslandsmeistaratitilinn. Liðið hafði aðeins tapað 3 leikjum, öðrum þeirra gegn Þrótti í fyrri umferðinni, þegar kom að leiknum í Árbænum.
