Bikardraumar – Kynning á bókinni um bikarkeppni KSÍ í 50 ár
Bókinni fylgir jafnframt mynddiskur með efni úr mörgum úrslitaleikjum bikarkeppninnar í áranna rás
Í ár var leikið í bikarkeppni karla í 50. skiptið og af því tilefni hefur Skapti Hallgrímsson ritað sögu bikarkeppninnar. Í þessari veglegu 368 síðna bók er fjallað um bikarkeppni karla og kvenna frá upphafi. Skapti hefur aflað sér heimilda víða og margar skemmtilegar sögur líta dagsins ljós, auk þess sem fjölmargar myndir prýða bókina.
Fjallað er sérstaklega um bikarkeppnina í ár í máli og myndum og leikirnir skoðaðir frá ýmsum hliðum. Bókinni fylgir jafnframt mynddiskur með efni úr mörgum úrslitaleikjum bikarkeppninnar í áranna rás. Er hér um að ræða virkilega eigulega og skemmtilega heimild um sögu bikarkeppninnar sem knattspyrnuáhugamenn mega ekki láta framhjá sér fara.
Í tilefni af því að bókin er komin út verður efnt til kynningu á bókinni á morgun, föstudaginn 11. desember, í höfuðstöðvum KSÍ kl. 15:00.
