Mótamál
Bikardraumar - Fyrsta eintakið afhent
Saga bikarkeppni KSÍ
Í gær var haldin kynning á bókinni Bikardraumar en það er saga bikarkeppni KSÍ en fimmtugasta keppnin fór fram á þessu ári. Það var Gunnar Guðmannsson sem veitti viðtöku fyrsta eintakinu úr hendi höfundar, Skapta Hallgrímssyni. Gunnar var fyrirliði KR sem vann fyrsta bikarmeistaratitilinn árið 1960.
Þá fengu einnig fyrirliðar bikarmeistara ársins, Katrín Jónsdóttir úr Val og Kári Ársælsson úr Breiðabliki, afhend eintök af bókinni.
Bókin er hin glæsilegasta, rúmar 380 síður og fylgir DVD diskur með bókinni með brotum úr úrslitaleikjum liðinna ára. Er hér um að ræða virkilega eigulega og skemmtilega heimild um sögu bikarkeppninnar sem knattspyrnuáhugamenn mega ekki láta framhjá sér fara.
