Mótamál
Drög að niðurröðun Lengjubikarsins 2010
Félög hafa til 3. janúar til þess að koma með athugasemdir við leikdaga
Mótanefnd KSÍ hefur gefið út drög að niðurröðun leikja í Lengjubikarnum 2010 en leikið er í þremur deildum í karla- og kvennaflokki. Hægt er að nálgast niðurröðunina hér á vefnum og eru félög beðin um að skila inn athugasemdum við leikdaga í síðasta lagi sunnudaginn 3. janúar 2010.
Þau félög sem hyggjast ekki gera athugasemdir við niðurröðun leikja eru beðin um að staðfesta að svo sé. Mikilvægt að allar utanferðir félaga verði komnar á hreint fyrir ofangreindan athugasemdarfrest því svigrúm til breytinga á leikjum er ekki mikið eftir að búið er að staðfesta leikina.
