Niðurröðun leikja í Lengjubikarnum 2010
Verulegar breytingar hafa verið gerðar frá fyrstu drögum
Mótanefnd KSÍ hefur lokið við niðurröðun leikja í Lengjubikarnum 2010. Verulegar breytingar hafa verið gerðar frá þeim drögum sem gefin voru út 17. desember. Nauðsynlegt er að félög sjái til þess að öll eldri drög verði tekin úr umferð til að forðast misskilning. Niðurröðun má sjá á vef KSÍ.
Lengjubikarinn hefur göngu sína laugardaginn 20. febrúar en þá eru fimm leikir á dagskrá. Fyrsti leikurinn hefst kl. 12:00 þann dag en þá mætast ÍA og Njarðvík í Akraneshöllinni.
Verkefni landsliða
Ekki er hægt að koma í veg fyrir að ýmis verkefni landsliða sem eru á vormánuðum stangist á við leiki félaga. Í þeim tilfellum ber félögum að gefa leikmenn sína lausa í landsliðsverkefnin samkvæmt samstarfsreglum KSÍ og aðildarfélaga. Reynt verður að færa þá leiki sem stangast á við leiki landsliða.
