Innbyrðis viðureignir
Nýr notkunarmöguleiki á ksi.is
Settur hefur verið upp nýr notkunarmöguleiki hér á vefnum - Innbyrðis viðureignir. Þar er, eins og heitið gefur til kynna, hægt að bera saman árangur tveggja liða í innbyrðis viðureignum í gegnum tíðina, fá lista yfir alla leiki og samantekt á árangrinum.
Notkunin er einföld - smellið á Innbyrðis viðureignir í valmyndinni hér til vinstri og afmarkið leitina á viðeigandi hátt eftir liði (félagslið eða landslið), flokki, kyni og dagsetningu til/frá.
Til dæmis er hægt að skoða viðureignir Fram og ÍBV í 2. flokki karla, viðureignir Vals og Breiðabliks í 3. flokki kvenna, eða árangur Íslands gegn Brasilíu í A-landsliðum karla, og svo framvegis.
Eina takmörkunin er sú að mót yngri flokka eru skráð í mótakerfið aftur til 2001, og mót yngri landsliða karla hafa verið skráð aftur til 1990. Unnið er að skráningu á þessum mótum lengra aftur í tímann.
Og þá er um að gera af byrja leitina á upplýsingahraðbrautinni ...
