Mótamál
Undanúrslit í Reykjavíkurmóti karla á sunnudaginn
Úrslitin ráðast í Reykjavíkurmóti kvenna á laugardaginn
Í gærkvöldi varð það ljóst hvaða fjögur félög leika í undanúrslitum Reykjavíkurmóts karla en undanúrslitin fara fram sunnudaginn 14. febrúar. Fram og KR eigast við kl. 18:00 og strax á eftir, eða kl. 20:15, leika Víkingur og Fylkir. Báðir leikirnir fara fram í Egilshöll.
Laugardaginn 13. febrúar ráðast hinsvegar úrslitin í Reykjavíkurmóti kvenna en þá leika Fylkir og Valur lokaleik mótsins. Félögin eru jöfn að stigum, með fullt hús eftir þrjá leiki, en Valsstúlkur státa af betri markatölu og dugir því jafntefli til að tryggja sér Reykjavíkurmeistaratitilinn. Leikurinn hefst kl. 17:00 og fer fram í Egilshöllinni.
Reykjavíkurmót karla - Undanúrslit
