Mótamál
Riðlaskipting í 1. deild kvenna og 3. deild karla 2010
Sex félög leika í 3. deild í ár sem ekki tóku þátt á síðasta tímabili
Mótanefnd KSÍ hefur gefið út riðlaskiptingu í 1. deild kvenna og 3. deild karla fyrir keppnistímabilið 2010. Sex félög leika í ár í 3. deild karla sem ekki tóku þátt á síðasta tímabili. Tvö félög leika í 1. deild kvenna sem ekki tóku þátt á síðasta tímabili ásamt þremur félögum sem léku í bandalagi við önnur félög á síðasta tímabili.
Í 1. deild kvenna eru tveir eru tveir riðlar, báðir skipaðir átta félögum og er leikin tvöföld umferð áður en kemur að fjögurra liða úrslitakeppni.
Í 3. deild karla eru fjórir riðlar þar sem tveir eru skipaðir átta félögum en hinir tveir innihalda sjö félög. Eftir tvöfalda umferð í riðlakeppni tekur við hefðbundin átta liða úrslitakeppni.
