Mótamál
Valsstúlkur Reykjavíkurmeistarar þriðja árið í röð
Báru sigurorð á Fylki í síðasta leik mótsins
Valsstúlkur tryggðu sér um helgina Reykjavíkurmeistaratitilinn í kvennaflokki eftir að þær lögðu Fylki á laugardaginn. Lokatölur urðu 4 – 0 Val í vil en fyrir leikinn voru þessi félög með fullt hús stiga. Valur vann því alla sína leiki á mótinu og fékk ekki á sig mark í þessum fjórum leikjum.
Þetta er þriðja árið í röð sem Valur vinnur þennan titil og í áttunda skiptið á síðustu tíu árum. Aðeins tvö félög hafa unnið þennan titil í kvennaflokki, Valur og KR.
