Framhaldsskólamótið í innanhússknattspyrnu að hefjast

Riðlakeppnin fer fram á fjórum stöðum á landinu

16.2.2010

Framhaldsskólamótið í innanhússknattspyrnu hefst á morgun, miðvikudag, þegar riðlakeppni hefst í Austurbergi.  Þetta er í annað skiptið sem KSÍ stendur fyrir innanhúsmóti á meðal framhaldskólanna.  Þetta mót er viðbót við framhaldskólamótið utanhúss sem KSÍ hefur staðið fyrir á haustin til margra ára.

Leikið verður í riðlakeppni og eru 24 skólar skráðir til leiks í karlaflokki en 19 hjá konunum.  Leikið verður á Sauðárkróki, Reykjavík, Akureyri og Keflavík og er leikið eftir reglum FIFA í innanhússknattspyrnu, Futsal.  Úrslitakeppnin í karla- og kvennaflokki verður svo í Smáranum föstudaginn 19. mars.

Framhaldsskólamótið innanhúss