Breytingar á niðurröðun í landsdeildum karla
Úrslitaleikur í bikarkeppni karla fer fram 14. ágúst
Ákveðið hefur verið í samræmi við ályktun ársþings KSÍ að úrslitaleikur karla í Bikarkeppni KSÍ verði 14. ágúst. Af þeim sökum hafa verið gerðar ýmsar breytingar á leikjum í meistaraflokki karla. Þær helstu eru:
Bikarkeppni KSÍ
Þar sem úrslitaleikurinn verður 14. ágúst hafa allar umferðir bikarsins verið færðar framar. Forkeppnin hefst því 8. maí og 32-liða úrslitin í byrjun júní stað miðjan júní áður.
Pepsi-deild karla
Allar umferðir frá 7. umferð til og með 19. umferðar hliðrast ásamt því að bætt hefur verið inn umferð í miðri viku í september. Lok móts eru áætluð 25. september en upp getur komið sú staða, þróist mál í bikarkeppni og í þátttöku liða í Evrópukeppni á ákveðinn hátt, að endurskoða verði lokadag Pepsi-deildar karla.
1. deild karla
1. umferð mótsins færist fram um nokkra daga til að koma fyrir forkeppninni í bikar. Einnig verða minniháttar hliðranir í júní.
2. deild karla
Minniháttar hliðranir í júní. Fyrsti leikur flestra liða verður hins vegar í forkeppni bikarsins.
Lengjubikarinn
Úrslitakeppni B og C deildar karla er áætluð 1-13 maí. Einhverjar breytingar eru fyrirsjáanlegar á þeim leikjum. Nánar um það síðar.
Nálgast má uppfærða niðurröðun allra móta meistaraflokks á vef KSÍ.
