Mótamál
Úrslitaleikur Reykjavíkurmóts karla - Víkingur gegn KR
Leikið í Egilshöllinni á sunnudaginn kl. 20:00
Á sunnudaginn kl. 20:00 mætast Víkingur og KR í úrslitaleik Reykjavíkurmóts karla og fer leikurinn fram í Egilshöllinni. Búast má við hörkuviðureign og eru knattspyrnuáhugamenn hvattir til þess að fjölmenna á leikinn. Aðgangur er ókeypis.
Heiðursgestir verða kunnir kappar sem gerðu garðinn frægan með þessum félögum á árum áður en það eru þeir Bjarni Guðnason úr Víkingi og Atli Helgason úr KR og munu þeir afhenda sigurverðlaunin að leik loknum.
Víkingar lögðu Fylki í undanúrslitunum en sá leikur fór í vítaspyrnukeppni eftir að staðan eftir venjulega leiktíma var 2 - 2. KR lagði Fram hinsvegar að velli, 4 - 2 í hinum undanúrslitaleiknum.
