Knattspyrnumót sumarsins 2010
Félög hafa til 23. mars til þess að skila inn athugasemdum
Mót sumarsins hafa verið birt hér á heimasíðu KSÍ. Félög eru vinsamlegast beðin um að skoða sína leiki og koma athugasemdum á framfæri í síðasta lagi þriðjudaginn 23. mars.
Mjög mikilvægt er að allar óskir/athugasemdir komi í einu lagi frá hverju félagi en ekki frá einstökum þjálfurum því borið hefur á því að þjálfarar einstakra flokka hafa lagt fram óskir um breytingar á leikjum sem stangast á við aðra viðburði hjá viðkomandi félagi.
Til hagræðingar við yfirlestur er hægt hér á síðunni að kalla fram dagatal leikja hjá einstökum félögum, ásamt því að kalla fram dagatal einstakra valla.
Mikilvægt er að virða ofangreindan frest til að gera athugasemdir svo að vinna við skipulagningu mótanna tefjist ekki.
Hér að neðan má sjá minnislista sem gott er að hafa til hliðsjónar við lesturinn.
