Mótamál
Fylkir til Hvíta Rússlands - KR til Norður Írlands og Blikar til Skotlands
Dregið í Evrópudeild UEFA í dag
Í dag var dregið í fyrstu og aðra umferð undankeppni Evrópudeildar UEFA og voru þrjú íslensk lið í hattinum. Fylkir leikur gegn Zhodino frá Hvíta Rússlandi og fer fyrri leikurinn fram ytra. KR leikur gegn Glentoran frá Norður Írlandi og verður fyrri leikurinn á KR velli. Leikirnir fara fram 1. og 8. júlí.
Breiðablik fór beint í aðra umferð og mætir þar skoska liðinu Motherwell en fyrri leikurinn verður leikinn í Skotlandi 15. júlí.
Sigurvegari úr viðureign Fylkis og Zhodino mætir svo OFK frá Serbíu í annarri umferð en sigurvegari viðureignar KR og Glentoran mætir Karpaty frá Úkraínu.
