Mótamál
KR áfram í 2. umferð Evrópudeildarinnar - Fylkir úr leik
KR mætir Karpaty frá Úkraínu 15. júlí á heimavelli
KR tryggði sér þátttökurétt í annarri umferð forkeppni Evrópudeildar UEFA þegar liðið gerði jafntefli á útivelli gegn Glentoran frá Norður Írlandi. Lokatölur urðu 2 - 2 en KR vann heimaleikinn örugglega, 3 - 0. KR leikur gegn Karpaty frá Úkraínu í 2. umferðinni og verður fyrri leikurinn á KR vellinum, 15. júlí næstkomandi.
Fylkismenn eru hinsvegar fallnir úr leik eftir 1 - 3 tap fyrir Torpedo frá Hvíta Rússlandi á Laugardalsvellinum í kvöld. Hvít Rússarnir unnu fyrri leikinn einnig og eru því komnir áfram í 2. umferð. Breiðablik kemur hinsvegar inn í keppnina í 2. umferðinni en liðið mætir Motherwell frá Skotlandi ytra þann 15. júlí.
