Mótamál
VISA bikar karla - Hverjir komast í undanúrslitin?
8 liða úrslitum VISA bikars karla lýkur í kvöld
Í kvöld kemur í ljós hvaða félög leika í undanúrslitum VISA bikars karla en þrír leikir fara þá fram í kvöld 8 liða úrslitum. KR tekur á móti Þrótti, Fram og Valur mætast á Laugardalsvellinum og í Ólafsvík taka heimamenn á móti Stjörnunni. Leikirnir á KR vellinum og Laugardalsvellinum hefjast kl. 19:15. en leikurinn í Ólafsvík hefst kl. 20:00
Einn leikur hefur þegar farið fram, FH er komið í undanúrslitin eftir sigur á KA. Á morgun, þriðjudaginn 13. júlí, verður svo dregið í undanúrslitum VISA bikars karla og kvenna og fer drátturinn fram í höfuðstöðvum KSÍ í hádeginu.
VIð hvetjum knattspyrnuáhugamenn til þess að fjölmenna á völlinn í kvöld og fylgjast með spennandi viðureignum.
