Mótamál
VISA bikar - Dregið í undanúrslitum karla og kvenna í hádeginu
Dregið í undanúrslitum karla og kvenna
Í hádeginu í dag verður dregið í undanúrslitum karla og kvenna og fer drátturinn fram í höfuðstöðvum KSÍ. Dregið verður bæði hjá körlum og konum og verða félögin sett í skálina góðu kl. 12:00.
Hjá konunum eru í undanúrslitum: ÍBV, Þór/KA, Stjarnan og Valur.
Hjá körlunum eru í undanúrslitum: FH, Fram, KR og Víkingur Ólafsvík.
Undanúrslitaleikirnir fara fram á heimavöllum þeirra félaga sem dregin verða á undan upp úr skálinni. Úrslitaleikur karla fer fram laugardaginn 14. ágúst en konurnar leika til úrslita daginn eftir, sunnudaginn 15. ágúst. Báðir úrslitaleikirnir fara fram á Laugardalsvelli.
