Mótamál
Meistaradeild UEFA - FH leikur í Hvíta Rússlandi í dag
Fyrri leikur Bate Borisov og FH hefst kl. 16:00 að íslenskum tíma
Íslandsmeistarar FH hefja leik í Meistaradeild UEFA í dag þegar þeir mæta Bate Borisov frá Hvíta Rússlandi á Gorodskoi vellinum í Borisov. Leikurinn hefst kl. 16:00 að íslenskum tíma en síðari leikurinn verður á Kaplakrika 21. júlí.
Hvít Rússnesku meistararnir hafa borið höfuð og herðar yfir önnur félög í heimalandi sínu síðustu ár. Þeir eru einnig góðkunningjar íslenskra knattspyrnuáhugamanna því þetta er í þriðja sinn á fjórum árum sem þeir leika gegn íslenskum félögum í Meistaradeildinni. Þeir slógu út FH árið 2007 og svo Val árið 2008 og komust það tímabil í riðlakeppni Meistaradeildarinnar þar sem þeir mættu m.a. Real Madrid og Juventus.
