Mótamál
KR tekur á móti Karpaty - Blikar leika í Skotlandi
Leikurinn á KR velli hefst kl. 19:15
Íslensk félög verða í eldlínunni í kvöld en bæði KR og Breiðablik leika fyrri leiki sína í annarri umferð undakeppni Evrópudeildar UEFA. KR mætir Karpaty frá Úkraínu á KR vellinum og hefst leikurinn kl. 19:15. Breiðablik leikur sinn fyrsta Evrópuleik í karlaflokki í kvöld þegar þeir leika gegn skoska liðinu Motherwell á Fir Park. Leikurinn hefst kl. 18:45 að íslenskum tíma.
Blikar koma beint inn í aðra umferð keppninnar sem bikarmeistarar en KR sló út Glentoran í fyrstu umferðinni.
