Mótamál
FH tekur á móti Bate í kvöld
Leikur FH og Bate á Kaplakrikavelli hefst kl. 19:15
FH leikur seinni leik sinn í annarri umferð forkeppni Meistaradeildar Evrópu í kvöld þegar þeir taka á móti Bate Borisov frá Hvíta Rússlandi. Leikurinn fer fram á Kaplakrikavelli og hefst kl. 19:15.
Bate vann góðan sigur í fyrri leik liðanna, 5 - 1 og verður því erfiður róður hjá Íslandsmeisturunum í kvöld. Þeir hafa hinsvegar engu að tapa og munu án efa mæta grimmir til leiksins í kvöld. Sigurvegarar viðureignar FH og Bate mæta svo FC Kobenhavn í þriðju umferðinni.
