Mótamál
Blikar mæta Motherwell í kvöld - KR leikur í Úkraínu
Fyrsti heimaleikur Breiðabliks í karlaflokki hefst kl. 19:15 á Kópavogsvelli
Tvö íslensk félög verða í eldlínunni í kvöld í Evrópudeild UEFA. KR mætir Karpaty frá Úkraínu ytra og hefst sá leikur kl. 16:15. Róðurinn er erfiður hjá KR eftir fyrri leikinn sem Úkraínumenn unnu með þremur mörkum gegn engu.
Breiðablik leikur sinn fyrsta heimaleik í Evrópukeppni karla í kvöld þegar þeir taka á móti skoska félaginu Motherwell. Leikurinn fer fram á Kópavogsvelli og hefst kl. 19:15. Skotarnir unnu fyrri leikinn á heimavelli með einu marki gegn engu og möguleikar Blika því ágætir. Forsala miða hefur gengið vel en aðeins er hægt að selja í sæti á Kópavogsvellinum og því takmarkaður fjöldi miða til sölu.
