Mótamál
Naum töp íslensku liðanna í Evrópudeildinni
Þátttöku íslenskra karlaliða í Evrópukeppnum lokið
Tvö íslensk félög, KR og Breiðablik, voru í eldlínunni í gærkvöldi í Evrópudeild UEFA þegar þau léku seinni leiki sína í annarri umferð undankeppninnar. Breiðablik tók á móti skoska félaginu, Motherwell, en Skotarnir unnu fyrri leikinn með einu marki gegn engu. Fór svo að Skotarnir fóru einnig með sigur í þessum leik og það með sömu markatölu og í fyrri leiknum. Markið kom seint í fyrri hálfleik og höfðu Blikar verið heldur óheppni upp við mark andstæðinganna þangað til.
Í Úkraínu léku KR gegn Karpaty en Úkraínumenn höfðu unnið fyrri leikinn, á KR velli, 3 - 0. Karpaty leiddu í leikhléi, 2 - 0, en Kjartan Henry Finnbogason jafnaði metin með tveimur mörkum áður en heimamenn skoruðu sigurmarkið. Lokatölur því 3 - 2 fyrir Karpaty.
