Mótamál
Úrslitaleikur VISA bikars karla - Miðasala hafin á FH - KR
Úrslitaleikurinn fer fram laugardaginn 14. ágúst á Laugardalsvelli
Það er sannkallaður risaslagur sem boðið er uppá þegar FH og KR mætast í úrslitaleik VISA bikars karla. Leikurinn fer fram á Laugardalsvelli, laugardaginn 14. ágúst og hefst kl. 18:00. Það er jafnan mikið fjör á vellinum þegar þessi félög mætast. Ekki er síður mikil stemning utan vallar enda eru bæði þessi félög ákaflega vel studd í sínum leikjum.
Það er um að gera að tryggja sér miða á þennan stórleik sem fyrst en miðasala hófst í dag. Selt er í númeruð sæti í vesturstúkunni (ekki er selt í blátt svæði).
Miðaverð:
- Fullorðnir (17 ára og eldri): 1.500 krónur
- Börn (16 ára og yngri): 500 krónur
Stuðningsmenn KR verða í hólfum A, B, C og D (nær Þróttarheimilinu) en stuðningsmenn FH í hólfum F, G, H og I (nær Laugum)
Tryggið ykkur miða á einn stærsta leik sumarsins – Sjáumst á vellinum
