Mótamál
Breiðablik hefur leik í Meistaradeild kvenna í dag
Riðill þeirra leikinn hér á landi
Blikastúlkur standa í stórræðum næstu daga því hér á landi fer fram riðill þeirra í forkeppni Meistaradeildar kvenna og fara fyrstu leikirnir fram í dag á Kópavogsvelli. Blikar mæta Levadia Tallinn frá Eistlandi kl. 18:00 en á undan leika Juvisy Essone frá Frakklandi og Targu Mures frá Rúmeníu kl. 15:00.
Önnur umferð fer svo fram á laugardaginn en síðustu leikirnir næstkomandi þriðjudag. Allir leikirnir fara fram á Kópavogsvelli að undanskildum leik Targu Mures og Tallinn í síðustu umferðinni sem fer fram á Víkingsvelli.
Aðgangur er ókeypis á alla leikina og er um að gera fyrir knattspyrnuáhugafólk að kíkja á þessa leiki næstu daga.
