Evrópukeppnin í Futsal - Keflavík leikur riðil á Ásvöllum
Keppni hefst á laugardaginn
Laugardaginn 14. ágúst hefja Keflvíkingar þátttöku sína í Evrópukeppninni í Futsal (Futsal Cup) og verður riðill Keflavíkur leikinn á Ásvöllum í Hafnarfirði. Fyrsti leikur Keflavíkur er gegn Vimmerby frá Svíþjóð og hefst hann kl. 17:30 en á undan leika CF Eindhoven frá Frakklandi og KBU France frá Frakklandi og hefst þeirra leikur kl. 15:00.
Leikir fara fram laugardag, sunnudag og þriðjudag og er leikjadagskráin eftirfarandi:
Laugardagur 14. ágúst
Kl. 15:00 CF Eindhoven – KBU France
Kl. 17:30 Keflavik FC – Vimmerby IF
Sunnudagur 15. ágúst
Kl. 15:00 Vimmerby IF – CF Eindhoven
Kl. 17:30 Keflavik FC – KBU France
Þriðjudagur 17. ágúst
Kl. 15:00 KBU France - Vimmerby IF
Kl. 17:30 CF Eindhoven – Keflavik
Við hvetjum alla til þess að skella sér á þessa leiki, sjá skemmtilega íþrótt og hvetja Keflvíkinga í Evrópukeppninni. Keflvíkingar eru þriðja íslenska liðið til að taka þátt í Futsal Cup en það fyrsta sem ræðst í að halda riðil hér á landi.
Miðaverði er stillt í hóf en dagpassi á hvern leikdag kostar einungis 500 krónur en 1.000 krónur kostar passi sem gildir á alla leiki riðilsins.
Keflvíkingar hafa gefið út myndarlegt mótsblað sem hefur að geyma ýmsar upplýsingar. Blaðið má sjá hér að neðan.
Innkastið - Mótsblað Keflavíkur
