Mótamál
Ólík bikarsaga liðanna sem mætast
Von á hörkuleik á sunnudag
Það eru jafnan hörkuleikir þegar Stjarnan og Valur mætast í meistaraflokki kvenna og allt útlit er fyrir að svo verði einnig á sunnudag þegar þessi lið mætast í úrslitaleik VISA-bikars kvenna. Saga liðanna í bikarkeppninni er ólík - Valur hefur oftast allra liða orðið bikarmeistari kvenna og er ríkjandi VISA-bikarmeistari, en Stjarnan hefur einu sinni áður leikið til úrslita og það var árið 1993 þegar liðið beið lægri hlut gegn ÍA.
Miðasala á leikinn hefur gengið vel og er fólk hvatt til að tryggja sér miða í gegnum www.midi.is til að forðast biðraðir á leikdegi.
Allir á völlinn!
