Mótamál
Titill númer tólf hjá Val
Ekkert félag hefur unnið bikarmeistaratitil kvenna oftar
Valur vann í dag sinn tólfta bikarmeistaratitil í meistaraflokki kvenna þegar úrslitaleikur VISA-bikarsins fór fram á Laugardalsvelli. Eina mark leiksins var sjálfsmark Stjörnunnar þegar um stundarfjórðungur var liðinn og var það Kristrún Kristjánsdóttir sem varð fyrir því óláni að setja knöttinn í eigið net.
Jafnræði var með liðunum allan leikinn þó lítið hafi verið um færi. Stjarnan setti meiri þunga í sóknina þegar leið á leikinn og í kjölfarið átti Valur nokkur hættuleg upphlaup. Hvorugu liðinu tókst þó að skora og því réði sjálfsmarkið úrslitum.
Ekkert lið hefur unnið bikarmeistaratitil kvenna oftar en Valur, sem hefur nú fagnað sigri 12 sinnum í keppninni.
