Stórt tap í öðrum leik í Futsal
Góð byrjun Keflvíkinga dugði skammt
Keflvíkingar töpuðu stórt öðrum leik sínum í Evrópukeppninni í Futsal, sem fram fór á Ásvöllum í Hafnarfirði á sunnudag. Lokatölur 5-17 fyrir KBU France. Keflavík komst þó í 2-0, en þá tóku Frakkarnir öll völd á leiknum og röðuðu inn mörkum. Staðan 2-10 í hálfleik.
Seinni hálfleikur var betri hjá Keflavík en sá fyrri, en Frakkarnir léku mjög vel enda atvinnumenn í þessari grein og spila grimmt allt árið í gegn. Keflavík skoraði þrjú mörk í þeim seinni og lokatölur 5-17. Í hinum leik dagsins vann Eindhoven lið Vimmerby IF 12-1.
Lokaleikirnir fara fram á þriðjudag og kl 15:00 mætast KBU France og Vimmerby IF og seinni leikurinn kl 17:30, en þar mætast Eindhoven og Keflavík.
Mörk Keflavíkur í leiknum á sunnudag skoruðu: Magnús Sverrir Þorsteinsson 1, Haraldur F Guðmundsson 1, Arnór Ingvi Traustason 1, Viktor Smári Hafsteinsson 1 og Guðmundur Steinarsson 1.
Byrjunarlið Keflavíkur: Eyþór Ingi Júlíusson, Haraldur Guðmundsson, Guðmundur Steinarsson, Bojan Stefán Ljubicic og Magnús Sverrir Þorsteinsson fyrirliði.
Aðrir leikmenn: Árni Freyr Ásgeirsson, Magnús Þór Magnússon, Viktor Smári Hafsteinsson, Arnór Ingvi Traustason, Theodór Halldórsson, Zoran Daníel Ljubicic og Lúkas Malesa.
Liðsstjórn: Willum Þór Þórsson, Þór Hinriksson, Jón Örvar Arason, Falur Helgi Daðason, Þórólfur Þorsteinsson og Björgvin Björgvinsson.
Fyrsti dómari: Kamil Cetin frá Tyrklandi
Annar dómari: Gregor Kovacic frá Slóveníu
Þriðji dómari: Marc Birkett frá Englandi
Tímadómari: Andri Vigfússon frá Íslandi
